Fuldmægtigimik – ilaqutariinnermut sammisunik suliaqartussamik pissarsiorpugut (BA jur.-imik)
Kalaallit Nunaanni Naalagaffiup Sinniisaa fuldmægtigitut atorfimmut inuttassarsiuivoq piaarnerpaamik imal. isumaqatigiissuteqarneq tunngavigalugu sulilersinnaasumik.
Pissarsiariniarparput
Inatsisilerituutut ilinniarsimasoq meeravissiartaarniarnernut-, ataatassarsiuinernut-, meeqqanut akilersuinissanut sammisunik suliaqartartussamik. Aammali nalagaaffiup siinniisoqarfiani suliassat aallaasinnaasut suliarsarnissaat periarfissaassaaq. Atorfinittup suleqatigilissavai inatsisilerituut allat tallimaasut. Suliffeqaligilikkami ilinniarneqassapput immikkut Kalaallit Nunaannut inatsisiliaasut, suliassanik isumaginneriaatsit aammalu F2.
Neqeroorutigaagut namminersorluni suliassat allanngorartut qallunaat kalaallillu oqartussaaffeqarfiinut attaveqarnermik imaqartut aammalu suliatigut inuttullu ineriartorluarnissamik persiarfissat pitsaasut.
Naalagaaffimmut Sinniisoqarfiup suliassai
Naalagaaffiup Kalaallit Nunaanni Sinniisaa Sinniisoqarfialu ingerlatsiviuvoq Statsministeriap ataani inissisimasuusoq Kalaallit Nunaaana naalagaaffiullu oqartussaasoqarfiisa akornani attaveqaataasoq. Naalagaffiullu sinniisaa tassaavoq naalagaaffiup Kalaallit Nunaanni aallartitatut sinniisuisa qullersaat. Naalagaaffiup sinniisoqarfiata isumagisarpai suliassat ilaqutariinnermut attuumassuteqartut kiisalu suliassat aningaasartuutitaqanngitsumik suliarinninnissamut saaffiginnissuteqarnikkut qinnutigineqartut. Taaneqartut saniatigut Inatsisartut ataatsimiinnerannit paasissutissiisarnerit ingerlanneqartarput. Naalagaaffiup sinniisoqarfianillu isumagineqartarput ingerlanneqartarlutillu suliassat Qallunaat Nunaanni folketingimut qinersinernut tunngasut, qallunaat taasissutigititsinerinut tunngasut il.il. Naalagaaffiillu sinniisoqarfianit suliarineqartarput qallunaat nunaannit inatsisiliat Kalaallit Nunaannut atuuttussanngortinneqartunut tunngasut aammalu naalagaaffiup sinniisoqarfianit qallunaatut inatsisiliaasut kalaallisuunngortinneqarnissaat isumagineqartarlunittaaq. Kiisalu naalagaaffiup sinniisoqarfianit peqataaffigineqartarput assersuutigalugu Folketingimeersunit Kunngikkormiunillu pisortatigoortumik tikeraartoqassatillugu piareersaatit. Annertunerusunik paasisaqarumasut innersuunnneqarput Naalagaaffiup Sinniisoqarfiata nittartagaanut – www.rigsombudsmanden.gl.
Pingaartippagut
Piumasarineqarpoq, inatsisilerituutut ilinniagaqarsimanissat, qallunaatullu eqqortumik atuisinnaanissat, suliassat isumagineqarnerat qallunaatut ingerlanneqartarmata. Aammalu piumasaqaataapput, nammineerlutit sulisinnaanissamut kajumissuseqarnissat allanillu suleqatiginnillaqqissuunissat. Ingerlatsiviugatta angisuujunngitsoq, 12-inik sulisoqartoq, pingaartuuvoq, suliffeqarfiup ingerlataasa iluini suliassanik allanik tigusinissamut tunuarsimaartuunnginnissat.
Ilisimatusarfimmit BA -tut ilinniarsimasut qinnuteqarnissamut kaammattorneqarput, kalaallisut oqalussinnaaneq/allassinnaaneq pitsaaqutaassammat. Kiisalu pitsaaqutaassaaq tuluit oqaasiinittaaq atuisinnaasuuguit.
Atorfimmut tunngasut
Aningaasarsiassat atorfimmullu atatillugu tunngavissat allat ilusilerneqassapput tunngavigalugit Finansministeriap (maanna Skatteministerianngornikup) aammalu Danmarks Jurist- aamma Økonomiforbundip inatsisilerinermi kandidat-inut, bachelorinut universitetsøkonominullu il.il. Kalaallit Nunaanni sulisussanut atatillugu isumaqatigiissutaasut. Qaavatigut ilassusiliisoqassaaq soorluli aamma atorfimmut atatillugu ilassummik ilanngussisoqassasoq. Aamma suliamut Piginnaasaqassutsimullu immikkut isumaqatigiissuteqarnikkut aamma qaavatigut ilassusiisoqarsinnaavoq. Atorfinitsitsinerlu piffissami immikkut atorfinitsinneqartumik isumaqatigiissuteqarnermik tunngavilerlugu sivisussuseqartussanngorlugu ilusiliisoqarsinnaavoq.
Atorfininnermi naammassinermilu angalanernut atatillugu akiliussisoqassaaq kiisalu atorfinittup ilaqutaasullu pigisaanik assartuinermut aaqqissuteqartoqassalluni isumaqatigiissutaasumi aaliangersarneqartut malillugit. Malittarisassat atuuttut malillugit inissamik innersuussisoqarsinnaavoq.
Paasissutissat allat
Atorfik pillugu annertunerusumik paasissutissat pissarsiarineqarsinnaapput Naalagaaffiup Siunniisaanut Julie Præst Wilchemut imal. tullersortaanut Morten Nornildimut saaffiginninnikkut una aqqutigalugu: oqarasuaat normu (+ 299) 32 10 01. (Maluginiaruk Kalaallit Nunaata Qallunaat Nunaatalu nalunaaqutaat akunnernik 3-nik nikingammata).
Naatsorsuutigineqarpoq atorfinitsitsinissamut atatillugu oqaloqatiginninnerit naalagaaffiup sinniisoqarfiani ingerlanneqassasut, imaluunniit skype-ikkut.
Allaganngorlugu qinnuteqaat ilanngullugit suliarisimasanut takussutissiat taamaattoqarpallu suliffigisimasanit oqaaseqaataasimasut, Nalagaaffiup Sinniisoqarfianit tiguneqassapput kingusinnerpaamik 12. december 2023. Qinnuteqaat e-post atorlugu uunga nassiunneqassaaq: Rigsombudsmanden i Grønland, Postboks 1030, 3900 Nuuk A-postitut.