Aningaasaateqarfik Den Grønlandske Fond tunissuteqarpoq
Aningaasaateqarfik Den Grønlandske Fond suliniutinut assigiinngitsunut 13. april 2023-mi tunissuteqarpoq.
Kalaallit ukiuni arlalinni Danmarkimi najugaqareersimallutik nunatsinnukarnissaminnik immikkut pisariaqartitsisunik, puigorneqanngillallu kalaallit tusagassiarnermik allatigullu kulturimik suliallit, aningaasaateqarfik Den Grønlandske Fond-ip siulersuisui 13. april ataatsimiimmata.
Aningaasaateqarfiup 350.234 kr.-nit tunissutigai. Ukununnga:
- Danmarkimiit nunatsinni illoqarfinnut assigiinngitsunut tikeraarnerit 13-it, Qaqortoq, Maniitsoq aamma Aasiaat ilanngullugit.
- Peqatigiiffinnut pingasunut suliniuteqartunut
- Atuakkiassanut marlunnut
- Tusagassiornermik suliaqartumut ataatsimut
- Eqqumiitsuliuliorniartunut pingasunut, aamma
- Angalalluni paasisassarsiornernut marlunnut.
Aningaasaateqarfimmut Den Grønlandske Fondimut qinnuteqartut tamarmik ulluni qaninnerni allagarsiumaarput.
Aningaasaateqarfik ukiumut marloriarluni aningaasanik tunissuteqartarpoq, siunertaraalu:
- Kalaallit ikiuiniarnikkut, ilisimatusarnikkut kulturikkullu Kalaallit Nunaanni Kalaallit Nunaatalu avataani siunertaat tapiissuteqarfigisassallugit.
- Kalaallit Nunaata aamma danskit naalagaaffiata ilaasa akornanni kulturikkut attaveqarnerit siuarsarneqarnissaannut tapiissuteqartarnissaq, ilaatigut makku ilanngullugit:
- Kalaallit Nunaata Danmarkillu akornanni kulturikkut peqatigiittarneq siuarsassallugu, ilaatigut Kalaallit Nunaannut aamma Kalaallit Nunaannit angalasarnernut tapiissuteqartarnissaq.
- Kalaallit Nunaanni Danmarkimilu kulturikkut isumaginninnikkullu suliffeqarfiit tapiissuteqarfigisassallugit.
- Atuagassiat, atuakkat filmiliassallu il.il. saqqummiunneqarnissaannut tapiissuteqartarnissaq.
- Kalaallit ukiuni arlalinni Danmarkimiissimasut Kalaallit Nunaanniinnissaminnut immikkut pisariaqartitsisut aamma siusinnerisukkut Danmarkimi innuttaasimasut ukiut arlallit Kalaallit Nunaanniissimanerminni Danmarkimiinnissaminnut immikkut pisariaqartitsisut tikeraarlutik angalanerminni akiliunneqarnissaannut tapiissuteqartarnissaq.
- Kalaallinut Danmarkimi ilinniagaqartunut tapiissuteqartarnissaq.
- Umiarsuup Kalaallit Nunaaliartaatip “Hans Hedtoft”-ip umiunerani ajunaarsimasut kinguaavisa aningaasatigut ikiorserneqartarnissaannut ikorfartorneqartarnissaannullu tapiissuteqartarnissaq.
Tapiiffigineqarnissamik eqqarsaruit taava periarfissat uani misissukkit: https://www.kalaallisut.rigsombudsmanden.gl/naalagaaffiup-sinniisoqarfia/aningaasaateqarfik-den-groenlandske-fond/
Aningaasaateqarfiup Den Grønlandske Fondip siulersuisui ukuupput:
- Naalagaaffiup Sinniisaa Julie Præst Wilche (Siulittaasoq)
- Naalakkersuisoqarfimmi pisortaq Hans-Peder Barlach Christensen (Naalakkersuisut/Naalakkersuisut Siulittaasuata Naalakkersuisoqarfia)
- Jane Petersen Lantz (Inatsisartut)
- Miki Jensen (Inatsisartut)
Aningaasaateqarfik Den Grønlandske Fond pillugu sukumiisumik paasisaqarumaguit aningaasaateqarfiup allaffissornikkut ingerlatsisua sianerfigisinnaavat, tlf. +299 32 10 01 imaluunniit ro@gl.stm.dk- mut allallutit.