Folketingimut qinersineq aamma innuttasut taasitinneqartarneri

Kalaallit Nunaanni folketingimut qinersisarneq pillugu inatsimmik nalunaarut nr. 916 junip 28-ani 2018-imeersoq naapertorlugu folketingimut qinersinerit aamma innuttaasunik taasisitsinerit Naalagaaffiup Kalaallit Nunaanni sinniisaanit siulersorneqartarpoq.

Qinersineq aamma qinersinerup inernera pillugit paasissutissat pingaarutillit tamaasa qinersinermut allattaavimmut naalagaaffiup sinniisoqarfiata allattortarpai.

Kommunini tamani qinersinermut siulersuisut qinersineq siulersortarpaat. Qinersinermut siulersuisunut ilaasortaasarput kommunalbestyrelsip siulittaasua ikinnerpaamillu kommunalbestyrelsimut ilaasortat marluk kommunalbestyrelsimit toqqarneqartartut. Kommunalbestyrelsip siulittaasua qinersinermut siulersuisuni siulittaasuusarpoq.