Danmarks Nationalbank

Siunissami aningaasat

Aningaasat pisariaqartinneqarput – aamma siunissami. Taamaattumik Nationalbanken aningaasat aamma siunissami isumannaatsuunissaat akiliutigissallugillu sunniuteqarluarnissaat qulakkeerniarlugu suliniutissanik aallartitsivoq.

Qanoq pisoqassava?

• Nationalbankenip aningaasanik pappialanik tulleriiaanik nutaarluinnarnik 50, 100, 200 aamma 500 koruuninik naleqartunik atuutilersitsinissaq sulissutigaa. Tulleriiaat naatsorsuutigineqarpoq 2028-mi imaluunniit 2029-mi piariissasut aammalu peqquserlulluni allanngortinneqarnissaat pinngitsoortinniarlugu teknologiit nutaanerpaat atorlugit tunisassiarineqassallutik.
• Aningaasat pappialat pisoqqat 2009 sioqqullugu atuutilersinneqartut tamarmik 31. maj 2025 kingorna akiliutigineqarsinnaajunnaarlutik atorunnaassapput.
• 1000-koruuni pappialaq ullumikkut atugarput – Storebæltimi ikaartarfimmik aamma Solvognen-imik assiliartalik 31. maj 2025 kingorna kiliutigineqarsinnaajunnaarluni atorunnaassaaq.
• Nationalbankenip aningaasat pappialat pisoqqat aamma 1000-koruuni pappialaq, aningaaserivimmut tunniunneqartarneri ilutigalugu imaluunniit pisiniarfinni ataasiakkaanik nioqquteqartartuni atorneqareerneranni kaaviiaartinneqartuni ilaatinneqarunnaartassapput.
• maj 2025 kingorna taamaallaat 50-, 100-, 200- aamma 500-koruunit pappialat ikaartarfinnik itsarsuarnitsanik assitaqarlutik tulleriiaaneersut (2009-meersut tulleriiaat) aningaasatut pappialatut Danmarkimi atuutilissapput.

Aningaasat pappialat tulleriiaat Danmarkimi atorneqartut assingi Kalaallit Nunaanni atorneqassapput. Danmarkimi aningaasat pappialat pisoqaanerusut aammalu maannakkut 1000-koruuni pappialaq 31. maj 2025 kingorna atorunnaarsinneqarpata, taamaalillutik aningaasat pappialat taakkua aamma Kalaallit Nunaanni atorunnaassapput.

Annerusumik uani atuarsinnaavat:

Danmarks Nationalbank - Siunissami aningaasat - Innuttaasunut suliffeqarfinnullu:

Tassa aningaasat pappilissat sorliit atuukkunnartussat takusinnaavatit qanorlu iliuuseqassanersutit

Danmarks Nationalbank - Siunissami aningaasat:

Danmarks Nationalbankip nittartagaani annerusumik uani aamma paasissutissat atuarsinnaavatit:

https://www.nationalbanken.dk/da/fremtidens-kontanter