Kalaallit Nunaanni Naalagaaffiup Sinniisoqarfia fuldmægtig-issarsiorpoq (cand. jur.)
Kalaallit Nunaanni Naalagaffiup Sinniisoqarfia inatsisilerituutut atorfimmut inuttassarsiuivoq 1. august 2024-imiit imal. akunnermi isumaqatigiissuteqarneq tunngavigalugu sulilersussamik.
Suliassat
Suliassanik isumaginnittartussamik inatsisilerituutut (cand.jur.) ilinniarsimasumik ataatassarsiuinernik meeqqanullu tapinut tunngasunik suliaqartartussamik pissarsiorpugut. Periarfissaassaarli aamma Naalagaafiup Sinniisoqarfiata suliarisaasa iluini suliassanik allanik suliaqartarnissaq. Atorfik inatsilerituut suleqatissat arfinillit peqatigalugit ingerlanneqartussaavoq.
Neqeroorutigaagut namminersorluni suliassat assigiinngisitaartut suliarisarnissaat attavigalugit qallunaat kalaallillu oqartussaaffeqarfii, periarfissaavorlu suliatigut inuttullu pitsaasumik ineriartornissaq.
Kalaallit Nunaanni Naalagaaffiup Sinniisoqarfia pillugu
Kalaallit Nunaanni Naalagaaffiup Sinniisoqarfia tassaavoq Statsministeriap ataani ingerlatsivik Kalaallit Nunaanni Namminersorlutik Oqartussat naalagaaffiullu oqartussaaffeqarfiisa akornanni ataqatigiissitsisuusoq. Naalagaaffiullu Sinniisaa nalagaaffeqatigiiffiup iluani Kalaallit Nunaanni qaffasinnerpaatut sinniisaavoq. Naalagaaffiup Sinniisoqarfialu ilaqutariinnermut attuumassuteqartut saniatigut sulianik allanik akiliutitaqanngitsunik isumaginnittartuuvoq. Annertunerusunik paasisaqarumasut Naalagaaffiup Sinniisaata nittartagaa aqqutigalugu paasiniaasinnaapput iserfigalugu – www.rigsombudsmanden.gl.
Ilinniarsimasatut piginnaaneqarfigisassat
Piumasaqaataavoq cand.jur.-itut ilinniarsimasuunissaq aammalu qallunaat oqaasiinik ilisimaarinnilluartuunissaq suliasat qallunaat oqaasii aallaavigalugit ingerlanneqartuummata, Kalaallilli oqaasiinik atuisinnaaneq aamma annertuumik pitsaaqutaassaaq, naalagaaffiup sinniisoqarfiani inatsisileritooqarfimmit Kalaallit Nunaanni innuttaasunik oqqartussaaffeqarfiusunillu aamma annertuumik kiffartuussillunilu suliarineqartarmata. Aamma piumasaqaataavoq namminersorluni sulisinnaanermut pitsaasumillu allanik suleqateqarsinnaassuseqarnermut piginnaaneqarluartuunissaq. Ingerlatsiviugatta anginngitsoq, katillugit 15-inik sulisoqarfiusoq pingaartuuvoq, suleriaatsikkut eqaatsuunissaq suliffeqarfiullu iluani ingerlatsinermut isumagisassanullu atatillugu suliassanik allanik tigusisinnaanermut ammasuunissaq.
Pitsaaqutaassaaq, piumasarisaananili, ataatassarsiuilluni aamma/imal. meeqqanut tapinut suliassanik misilittagaqartuunissaq. Taamaattumik ilinniakkamik pineqartumik naammassinneqammersut aamma atorfimmut qinnuteqarnissamut kaammattorumaneqarput, suliffeqarfitta iluani suliassanut sammisutigut ilinniartinneqarumaarmata.
Atorfinitsitsinermut attuumassuteqartut
Aningaasarsiat atorfimmullu tunngassuteqartut aaliangerneqassapput Finansministeriap isumaqatiginiagassallu tunuliaqutaata isumaqatiginninniartussaasup akornanni isumaqatigiissutit atuuttut naapertorlugit malittarisassat naalagaaffiup ataani Kalaallit Nunaanni sulilersussanut atuuttut malillugit. Ataasiakkaanik isumaqatiginninniarnerni inissinnissamut piginnaasaqarnermullu sammisunut atatillugu ilassutissiisoqarsinnaavoq. Atorfinitsitsinerlu immikkut piffissaliineq naapertorlugu ilusilerneqarsinnaalluni.
Kalaallit Nunaanni Namminersorlutik Oqartussat inissiaataani inissamik innersuussisoqarsinnaavoq malittarisassat atuuttut malillugit akilerneqartartussamik, Atorfinikkiartornermut soraarnermullu atatillugu atorfinitsinneqartup ilaqutaasalu angalanissaannut akiliussisoqassaaq pigisallu nassiunneri aamma isumaqatigiissuteqarnermi tunngavigineqartuni aaliangersakkat naapertorlugit akiliunneqassallutik.
Sukumiinerusumik paasissutissiissutit
Atorfimmut atatillugu paasiniaasoqarsinnaavoq Naalagaaffiup Siinniisaa Julie Præst Wilche imaluunniit taassuma tullersortaa inatsisinullu atatillugu suliani pisortaasoq Morten Nornild aqqutigalugit attaveqarnikkut, Normu (+ 299) 32 10 01 sianerfigalugu (eqqaamaneqassaarli Kalaallit Nunaanni Danmarkimilu nalunaaquttat akunnernik pingasunik nikingammata.
Suliffigisimasat allattornerat ilanngullugu soraarummeersimanermut uppernarsaat ilanngullugu qinnuteqarneq ingerlatinneqassaaq Naalagaaffiup Sinniisoqarfianit tiguneqartussanngorlugu kingusinnerpaamik ulloq 5. maj 2024 nal. 12. Qinnuteqaallu e-postitut uunga nassiunneqassaaq ro@gl.stm.dk. Qinnuteqaalli aamma allakkatut nassiunneqarsinnaavoq uunga: Rigsombudsmanden i Grønland, Postboks 1030, 3900 Nuuk.