Inuit pillugit paasissutissat illersugaanerat

Kalaallit Nunaanni Naalagaaffiup Sinniisoqarfiata saaffiginnissutit tiguguniuk suliaralugulu, naalagaaffiup sinniisoqarfiata illit pillutit paasissutissat suliarissavai.  Inunnik paasissutissanik suliarinnittarneq pillugu inatsisip Kalaallit Nunaanni atuutilersinneqarnera pillugu peqqussummi nr. 1238-imi 14. oktober 2016-imeersumi (Inunnik paasissutissanik suliarinnittarneq pillugu inatsit) § 28 malillugu, illit pillutit paasissutissat suliarineqartarnerat pillugu ilisimatitsivigissallutit naalagaaffiup sinniisoqarfiata pisussaaffigaa.

Paasissutissat tulliuttut ilinnut tunniuttussaavagut:

1. Paasissutissat akisussaaffigaagut – qanoq ilillutit attaveqarfigisinnaavisigut?

Illit pillutit paasissutissat suliarineqarnerannut atatillugu naalagaaffiup sinniisoqarfia paasissutissanut akisussaasuuvoq.  Uagut attaveqarfigineqarsinnaanerput pillugu paasissutissat ataani nassaarisinnaavatit:

Rigsombudsmanden i Grønland

Indaleeqqap Aqq. 3

Postboks 1030, 3900 Nuuk

Oqarasuaat: +299 32 10 01

E-mail: ro@gl.stm.dk

Illit pillutit paasissutissat naalagaaffiup sinniisoqarfianit suliarineqarneri pillugit apeqqutissaqaruit, naalagaaffiup sinniisoqarfianut saaffiginninnissannut tamatigut tikilluaqquneqarputit.

2. Inunnik paasissutissanik suliarinnittarnermi siunertaasoq

Oqartussaaffiup ingerlanneqarneranut atatillugu illit pillutit paasissutissat naalagaaffiup sinniisoqarfiata suliarisarpai.  Tassunga atatillugu saaffiginnissutit pisarialimmik suliap suliarineqarnissaanut malittarisassat malillugit suliarineqassaaq, matumani assersuutigalugu pisortat ingerlatsinerat pillugu paasitinneqarsinnaatitaaneq pillugu inatsit malillugu journalimut allattuineq ilanngullugu, soorlu aamma saaffiginnissutit allagaateqarfeqarneq pillugu inatsit malillugu toqqorneqartussaasoq.

3. Illit pillutit paasissutissat suliarineranni inatsisitigut tunngaviit

Inunnik paasissutissanik suliarinnittarneq pillugu inatsisimmi § 6, imm. 1, nr. 6-imi periarfissaliissut atorlugu naalagaaffiup sinniisoqarfiata illit pillutit paasissutissat suliarissavai.  Taamaalilluni oqartussaaffiup ingerlanneqarnerata ilaattut naalagaaffiup sinniisoqarfiata illit pillutit paasissutissanik suliarinninnera pissaaq.

Inunnik paasissutissanik suliarinnittarneq pillugu inatsisimmi § 7, imm. 2 ,nr. 4-ikkut periarfissaliissut atorlugu (pisinnaatitaaffiit inatsimmi aalajangersakkat aalajangersarneqarnissaannut, atuutsinneqarnissaannut imaluunniit illersorneqarnissaannut suliarinninneq pisariaqarpoq) illit pillutit paasissutissat mianersuuttariaqassappata mianersuunneqartussat, nammineerlutit tunniussimasatit, naalagaaffiup sinniisoqarfiata suliarissavai.  Taamaalilluni saaffiginnissutivit, pisortat ingerlatsinerat pillugu paasitinneqarsinnaatitaaneq pillugu inatsimmi aalajangersakkat malillugit, journalimut allannissaanut naalagaaffiup sinniisoqarfia pisussaatitaavoq.

4. Inunnik paasissutissanik katersineq

Taamaallaat paasissutissat ilinnit saaffiginnissummiittut naalagaaffiup sinniisoqarfiata suliarisarpai.  Paasissutissat suut illit saaffiginnissutinni taasimaneritit, paasissutissat suut suliarineqarnissaannut taamaalilluni apeqqutaasarpoq.  Paasissutissat tulliuttut ilaatigut makkuninnga imaqarsinnaapput:

• Attaveqarfigineqarnissamut- aamma kinaassutsip paasineqarnissaa pillugit paasissutissat (assersuutigalugu ateq aamma e-maili).
• Paasissutissat, saaffiginnissutinniittut, nammineerlutit naalagaaffiup sinniisoqarfianut nassiussimasatit, matumani nammineq inuunermi pissutsit pillugit, aappariinneq pillugu, peqqissuseq pillugu, upperisaq pillugu imaluunniit politikkikkut aalajangiussimasat il.il. pillugit paasissutissat ilanngullugit.

Inunnik paasissutissat suussusaat tulliuttut pineqarsinnaapput:

• Inuk pillugu paasissutissat nalinginnaasut aamma ilisarineqarsinnaaneq pillugu paasissutissat (CPR-normu).
• Pissutsit pillaatissiissutaasinnaasut pillugit paasissutissat.
• Inuk pillugu paasissutissat mianersuuttariaqartut.

5. Tigusisussat imaluunniit tigusisussat sumut ataneri

Saaffiginnissutivit akineqarnissaa siunertaralugu, illit saaffiginnissutit naalagaaffiup sinniisoqarfiata pisut ilaanni ingerlateqqissinnaavaa – aamma pisut ilaanni oqartussaasunut ingerlateqqittussaallugu (assersuutigalugu ministereqarfimmut oqartussaasumut akisussaasumullu allamut imaluunniit naalakkersuisoqarfimmut), Inatsisartunut, Folketingimut, Kunngeqarfimmut, kommuninut, najukkami eqqartuussivimmut imaluunniit allanut.  Saaffiginnissutit allanut ingerlateqqinneqassappat, nalinginnaasumik tamanna pillugu nalunaarfigineqassaatit.  Aamattaaq ministereqarfiup paasissutissanik suliarinnittartuinut (assersuutigalugu Statens IT-mut) paasissutissat naalagaaffiup sinniisoqarfiata tunniuttarpai. 

6. Inunnik paasissutissat toqqortarineqarnerat

Illit pillutit paasissutissat allagaataasivik pillugu inatsimmi , lovbekendtgørelse nr. 1201 af 28. september 2016-imeersumi, aalajangersakkat malillugit allagaataasivimmut inissinneqarnissaasa imaluunniit kasiilerneqarnissaasa tungaannut naalagaaffiup sinniisoqarfiata suliarissavai.  Inatsisigut imaluunniit allaffissornikkut pisariaqartitsisoqarunnaartillugu, paasissutissat kasiilerneqassapput (nungutinneqassapput).

7. Pisinnaatitaaffitit

Inunnik paasissutissanik suliarinnittarneq pillugu inatsimmi § 31 malillugu, illit pillutit naalagaaffiup sinniisoqarfiata suliaata paasissutissartaanik aallaaviatigut takunnissinnaatitaavutit.  Aammattaaq pisuni immikkut ittuni, § 35 malillugu naalagaaffiup sinniisoqarfiata inatsisit malillugit illit pillutit paasissutissanik suliarinninnera naammagittaalliuutigisinnaavat.

Illit pillutit paasissutissanik eqqunngitsoqarpat, paasissutissat eqqunngitsut aaqqinneqarnissaat § 37 malillugu pisinnaatitaaffigivat

Pisinnaatitaaffitit atorusukkukkit naalagaaffiup sinniisoqarfia attavigissavat.

Pisinnaatitaaffitit pillugit annertunerusumik ilitsersorneqarusukkuit, naalagaaffiup sinniisoqarfia attavigisinnaavat.

8. Datatilsynimut naammagittaalliorneq

Inunnik paasissutissanik suliarinnittarneq pillugu inatsimmi § 40-mi malittarisassat malillugit naalagaaffiup sinniisoqarfiata illit pillutit paasissutissanik suliarinninnera pillugu Datatilsynimut naammagittaalliuuteqarsinnaavutit.   Borger.dk-mi digitaliusumik allakkanik nakkartitsivik atorlugu Datatilsynet attaveqarfigisinnaavat, nalinginnaasumik e-mailikkut ugguuna dt@datatilsynet.dk-ikkut attaveqarfigisinnaavat imaluunniit allakkatigut nalinginnaasutigut uunga allaffigisinnaavat; Datatilsynet, Carl Jacobsens Vej 35, 2500 Valby.