Kalaallit Nunaanni Naalagaaffiup sinniissaa immikkut- imaluunniit siunnersortaanermik Kalaallit Nunaanni politikkikkut ineriartornermik soqutigisaqartumik aamma misilittagaqartumik pissarsiorpoq.

 
Kalaallit Nunaanni inuiaqatigiinnut, politikkikkut pissutsinut, qallunaat nunaannullu attaveqarnermut tunngasunik ilisimasaqarluarpit, pisortallu Kalaallit Nunaanni/Danmarkimi allaffissornikkut suleriaasiinut sammisunik misilittagaqarluarpit? Taava imaassinnaavoq tassaasutit suleqatissarput. 

Kalaallit Nunaanni Naalagaaffiup Sinniisoqarfiani immikkut- imaluunniit siunnersortaanertut ilaatigut makku isumagisassarissavatit:

  • inuiaqatigiinni politikkikkullu pisut pillugit ingerlaavartumik paasissutissiisarneq
  • politikerinut aamma atorflittanut politikikkut paasissutissiinernik piareersaaneq aamma peqataaneq
  • Naalagaaffiup Sinniisoqarfia sinnerlugu Kunngikkormiunik, ministerinik, Folketingimi ataatsimititalianik, naalagaaffimmit aallartitatut il.il tikeraartoqartillugu suliassanik assigiinngitsunik isumaginninnerit
  • apeqqutinik politikikkut aamma inuiaqatigiinnut tunngasunik danskit aamma kalaallit oqartussaannut ataavartumik attaveqartarneq
  • Kalaallit qallunaallu oqartussaaffeqarfiisa akornanni attaveqartarnernut ikiuunnerit aammalu siunnersuisarnerit

Pissarsiariniarparput inuk:

  • pineqartunut sammisunik kanditatitut ilinniarsimasoq
  • pisortat allaffissornikkut ingerlatsisarnerinut politikkikkut allaffissornikkullu ingerlatseriaatsinik ilisimaarinnilluarlunilu
  • Kalaallit Nunaata Danmarkillu akornanni ingerlanneqartunik soqutiginnittoq
  • qallunaatut, tuluttut piginnaasaqarluartoq, ajornanngippallu kalaallisut
  • allattariarsornikkut danskisut qaffasissumik piginnaasaqartoq
  • suliffigisaq sinnerlugu suliassanik ingerlataqarsinnaanermut piareersimasoq
  • tunniusimasoq soqutiginnilluartorlu
  • assigiinngitsunut paasinnillaqqissuullunilu pulatersinnaassuseqartoq – aamma ulapiffiutillugu

Neqeroorutigaagut:

  • suliffik soqutiginartoq allanngorartunik suliassaqarfiusoq siammasissunik kalaallit qallunaallu oqartussaaffeqarfiinut, suliffeqarfigisaannut ingerlatsivigisaannullu attaveqarfeqartoq 
  • suliffeqarfik anginngitsoq ingerlalluartoq qanilaartumik suleqatigiiffiusoq, erseqqissunik naleqartitanik tunngaveqartoq inuppalaartumik ulluinnarpalaartumik ingerlatsiviusoq
  • namminersorluni sulianik naammassinninniartarnissamik imaqartoq, atorfik suliatigut inuttullu ineriartornissamut periarfissaqarfiusoq

 

Atorfimmut tunngasut
Kalaallit Nunaanni Naalagaffiup Sinniisoqarfiani atorfeqalissaatit isumaqatigiissutillu atuttuut tunngavigalugit aningaasarsiatigut inissinneqassallutit. Atorfinitsinneqarnissannili isumannaatsuunissamik piumasaqaatit misissuiffigineqaqqaassapput. 

Malittarisassat qaqugukkulluunniit atuuttut naapertorlugit atorfimmut atatillugu inissamik innersuussisoqarsinnaavoq. Atorfininnermi uninnermilu angalanerit suliffigilikkamit isumagineqassapput pequtinillu atorfinittumut ilaqutaasaanullu atorfininnermut atatillugu assartuinerit aaliangersakkat naapertorlugit aaqqiivigineqassallutik.

Atorfininneq
Siunnerfiuvoq atorfiup 1. februar 2026-imit aallartittumik inuttalerneqarnissaa.  

Qinnuteqarnissamut killiliussaasut
Qinnuteqaat Kalaallit Nunaata nalunaaqutaa malillugu kingusinnerpaamik tiguneqassaaq ulloq 21.  december 2025 nal. 12.00. Qinnuteqaatinnut suliarisimasanut/atorfisimasanut takussutissiissutit peqarpallu suliitsisorisimasanit oqaaseqaatit ilanngunneqassapput, taakkulu uunga mailitut nassiunneqassapput: RO@gl.stm.dk. Siammasissuseqarneq nukittorsaatitut isigivarput atorfimmullu qinnuteqarnissamut kikkulluunniit kaammattorumallugit aporfiginagillu apeqqutaatinnagit, suiaassutsimut, ukioqqortussutsimut, upperisaqarnermut, sumiuussutsimullu tunngasut.  

Uagut kikkuunerput:
Kalaallit Nunaanni Naalagaaffiup Sinniisaa Statsministeriap ataani suliffeqarfiuvoq. Naalagaaffiup Sinniisaa tassaavoq Nalagaaffiup Kalaallit Nunaanni sinniisumisut qullersarititaa tassaavorlu namminersorlutik oqartussat naalagaaffiullu ataanni oqartussaaffiusut akornanni attaveqarfiusoq. Qarasaasiakkut una iserfigalugu annertunerusunik paasiniaagit:  www.rigsombudsmanden.gl.