Aningaaasaateqarfik Den Grønlandske Fond ulloq 13. oktober 2023 assigiinngitsunut aningaasanik agguaassisimavoq

Kalaallit ukiut arlaqartut Qallunaat Nunaanneereerlutik Kalaallit Nunaanniinnissamik  pisariqartitsilersimasut allallu Kalaallit Nunaanni tusagassiornermut piorsarsimassutsimullu attuumaassuteqartunik ingerlataqarsimasut ulloq 13. oktober 2023 Aningaasaateqarfimmi Den Grønlandske Fond-imi siulersuisut ataatsimiinneranni  aningaasaliiffigineqarsimapput.

Katillugit Aningaasaateqarfimmit Den Grønlandske Fondimit aningaasaliissutigineqarsimapput 401.361,- koruunit, makkununnga:

  • Danmarkimit nunatsinni illoqarfinnut tikeraarnerit 17-it, illoqarfinnut makkununnga; Qaqortoq, Nuuk, Qasigiannguit aamma Aasiaat
  • Peqatigiiffiit ingerlataannut 5-inut
  • Atuakkanut 2-nut
  • Piorsarsimassutsimut sammisumik ingerlanneqartunut 2-nut
  • Tusagassiornermik sulianut 2-nut
  • Ilinniarnermut atatilllugu ingerlanneqartumut ataatsimut

Qinnuteqarsimasut tamarluinnarmik akissuteqarfigineqarsimapput.

Aningaasaateqarfik Den Grønlandske Fond aningaasanik agguaassisarpoq ukiumut marloriarluni, siunertarivaalu:

  • Tapiissuteqartarnissaq kalaallit Kalaallit Nunaanni avataanilu inuinnarnut, ilisimatusarnikkut piorsarsimassutsimullu sammisutigut suliniutigisaannut.
  • Tapiissuteqarfigissassallugit Kalaallit Nunaata naalagaaffeqatigiinnermilu ilaasut allat akornanni piorsarsimassutsikkut attaveqaqatigiinnermik imaqartut, soorlu:
  1. Kalaallit Nunaaata Danmarkillu piorsarsimassutsikkut attaveqarnerannik siuarsaaniarnerit, soorlu illuatungeriinnit angalanerit.
  2. Kalaallit Nunaanni Danmarkimilu piorsarsimassutsimik inunnullu sammisunik il.il ingerlatsiviusunut ingerlataqartunut tapiissuteqartarnissat.
  3. Atuagassiornernut, atuakkiornernut kiisalu isiginnaagassiornernut il.il saqqummiussiniarnernut tapiissuteqartarnerit.
  4. Tikeraarluni angalanernut tapiissuteqartarnerit.
  5. Kalaallinut Qallunaat Nunaanni ilinniagaqartunut tapiissuteqartarnerit.
  • Umiarsuup ”Hans Hedtoft”-ip ajunaarnerani qanigisanut eqqorneqartunut aningaasanik ikiorsiisarnerit.

Tapiissuteqartarnernut atatillugu periarfissat pillugit nassuiaasiat atuarsinnaavatit iserfigalugu: https://www.rigsombudsmanden.gl/rigsombuddet/den-groenlandske-fond/

Aningaaasaateqarfimmi Den Grønlandske Fond-imi siulersuisunut ilaasortaapput:  Julie Præst Wilche (siulittaasoq), Miki Jensen, Jane Lantz aammalu Hans-Peder Barlach Christensen.

Aningaasaateqarfik Den Grønlandske Fond pillugu annertunerusumik paasiniaasoqarsinnaavoq allaffeqarfia saaffigalugu, ukunatigut: oqarasuaat normu +299 32 10 01 imaluunniit e-mail atorlugu uunga allagaqarnikkut ro@gl.stm.dk.