Kalaallit Nunaanni Naalagaaffiup Sinniisoqarfia, Danmarkimi Social- og Boligministeriet aamma Meeqqanut, Inuusuttunut aamma Ilaqutariinnut Nunamut Namminermullu Naalakkersuisoqarfik ulloq 16. februar 2026, inatsisitigut ataataqanngitsunut Kalaallit Nunaanni aamma Danmarkimi najugaqartunut suliniutinik nutaanik arlalinnik suleqatigiinnissamut isumaqatigiissusiorput.

2026-mit 2029-mut Kalaallit Nunaannit aamma Danmarkimit akeqanngitsumik oqarasuaammut siunnersuisarfimmut sianertoqarsinnaalissaaq, tassani ataatassarsiornermik suliamut, inatsisinut tunngasunut aamma oqaloqateqarnermut apeqqutit akissutissarsiffigineqarsinnaapput. Siunnersuisartut Kalaallit Nunaanni Naalagaaffiup Sinniisoqarfianut inissinneqassapput.

Peqatigisaanik inatsisitigut ataataqanngitsut akunnerit tallimat tikillugit akeqanngitsumik oqaloqateqarsinnaanngussapput. Oqaloqateqarnerit Kalaallit Nunaanni aamma Danmarkimi neqeroorutigineqassapput.

Kalaallit Nunaanni Naalagaaffiup Sinniisoqarfia Meeqqanut, Inuusuttunut, Ilaqutariinnut aamma Nunamut Namminermut Naalakkersuisoqarfik suleqatigalugu neqeroorutit pillugit Nuummi ammasumik paasissutissiinermut aggersaapput.

2026-p aamma 2027-p ingerlaneranni assingusunik Tasiilami, Sisimiuni, Ilulissani, Qaanaami, Aasianni, Paamiuni, Narsami aamma Qaqortumi paasissutissiilluni ataatsimiititsisoqassaaq.

📅 Ulloq: 03. marts 2026
⏰ Piffissaq: 17.00-19.00
📍 Sumiiffik: GUX Nuuk