Kilitsissiatut suliaqarnerup Danmarkimut, Savalimmiunut aamma Kalaallit Nunaannut siooranartoqarneranik naliliineq kalaallisut nutsigaq
"Kilitsissiatut suliaqarnerup Danmarkimut, Savalimmiunut aamma Kalaallit Nunaannut siooranartoqarneranik naliliineq"-mik ukioq manna PET nalunaarusiaqarpoq, aammattaaq pineqarluni Kalaallit Nunaani siooranartoqarsinnaanera. Taamaammat siooranartoqarsinnaanneranik naliliineq kalaallisut nutsigaq atuarsinnaavat.
PET-p naliliinera tassaavoq russit kineserillu tungaannit Kalaallit Nunaanni isertortumik paasiniaasartoqaratarsinnaaneranik siooranartoqarnera. Siooranartoqarnerani immikkkut taasariaqarput qallunaat kalaallillu oqartussaasui aalajangersaasartuilu, soorlu Naalakkersuisoqarfinni Inatsisartunilu politikerit atorfillillu qaffasinnerit. Aamma siooranartoqarneranik PET-ip naliliineranut ilaavoq attaveqaasersuutit suliffiillu aammalu ilisimatusarnermik pisortat suliffeqarfii, pingaartumik taakkua naalakkersuinermut sakkutooqarfeqarnermullu tunngasumik paasissutissanik pissarsisinnaappata, kiisalu attaveqaqatigiinneq imaluunniit pissutsit kineserit aningaasaliissuteqarsinnaanerannut attuumassuteqartut.
