Meeqqat pillugit inatsisissap suliarineqarnissaanut Naalagaaffiup Sinniisoqarfiani piareersarpugut.

Meeqqat pillugit inatsisissaq naapertorlugu Naalagaaffiup Sinniisoqarfiata suliassai nutaat piareer-sarnissaannut Naalagaaffiup Sinniisoqarfiani atorfillit 2023-ip upernarnerani immikkut ilinniartinneqassapput. Meeqqat pillugu inatsit naapertorlugu angajoqqaat katissimanngitsut ataatassarsiuineq akuerisinnaanngussavaat, akisussaanermut isumassuinermullu immersugassamik atsiornermikkut. Malittarisap nutaap taassuma kingunerissavaattaaq arnat arnaqatiminoortartut aappariit immersugassamik taariikkatsinnik immersuinermikkut atsiornermikkullu anaanaaqataaneq akuerisinnaanngussammassuk.

Meeqqat pillugit inatsisissakkut Naalagaaffiup Sinniisoqarfia ataataassutsip meeqqanullu akilersuutit suliarineqartarnerannut qullersaalluni akisussaavoq, tamatatumalu ilaatigut kingunerissavaa Naalagaaffiup Sinniisoqarfiani atorfillit suliassamikkut nutaatigut annerusumik meeqqanik oqaloqateqartalissammata. Taamaattumik pinngitsoorneqarsinnaanngilaq Naalagaaffiup Sinniisoqarfiani atorfillit meeqqanik oqaloqateqartarnissamut annertuumik ilisimasaqalernissaat.