Spiralilersuinermik suliamut tunngatillugu utoqqatserneq septembarip 24-ani pissaaq.

Naalakkersuisut Siulittaasuat Jens-Frederik Nielsen aammalu Ministeriuneq Mette Frederiksen isumaqatigiipput spiralilersuinermik suliaq pillugu pisortatigoortumik utoqqatsernissaq pissasoq Nuummi Katuaq-mi ulloq 24. septembari 2025 nal. 14:00 aallartittumik.

Toqqaannartumik isiginnaarutikkut kalaallisut qallunaatullu KNR TV-ikkut aallakaatinneqassaaq, taamaasilluni pineqartut Nuummi najuussinnaanngitsut utoqqatserfiginninnermi malinnaasinnaaqqullugit.

Pilersaarut septembarip 15-iata missaani saqqummiunneqassaaq. Pilersaarusiorneq utoqqatserfigineqartunit sinniisoq peqatigalugu aaqqissuunneqarpoq.

Tusagassiortut peqataasussat uunga nalunaassapput: Naalakkersuisut Siulittaasuata allattaa Andreas Poulsen: andp@nanoq.gl oqarasuaat 34 52 80.