Nunarsuarmioqatigiit anguniagassatut pilersaarutaat
Naalagaaffiup Sinniisoqarfia Nunarsuarmioqatigiit anguniagaannik suliniuteqarpoq.
Nunarsuarmioqatigiit anguniagassatut pilersaarutaat naapertorlugit Naalagaaffiup Sinniisoqarfiata 2023-mi iliuusissaatut pilersaarut.
Akisussaassusilimmik nioqqutissiorneq, silamik mingutsitsinaveersaarneq aammalu nukissiuuteqarnikkut maanna ajornartoorneq pillugit danskit naalakkersuisuisa suliniu-teqarnerat malillugu nunarsuarmioqatigiit anguniagaat nr. 12 (akisussaassusilimmik nioqqutissiorneq atuinerlu) aamma nr. 13 (silap mingutsinnaveersaarneanik suliniarneq) saqqumilaartinneqarnerunissaat pillugu Kalaallit Nunaanni Naalagaaffiup Sinniisaata 2023-mi sulissutigerusuppaa.
Naalagaaffiullu Sinniisoqarfiata taamaaliornermigut nunarsuarmioqatigiit anguniagaata piviusunngortinniarneqarnerannut Naalakkersuisut kissaateqarlutillu anguniagaqarneran-nut tapersiissaaq, soorlu FN-ip siunissami Kalaallit Nunaanni 2030-mut pilersaarutaata piviusunngortinniarneqarnerannut suliniutit, unammilligassat periarfissallu allattorsimaffeqartut.
|
Nunarsuarmioqatigiit anguniagassaat nr. 12 – akisussaassuseqartumik atuineq nioqqutissiornerlu. Anguniagaq tassaavoq nunarsuarmi pisuussutit tamatta pivut pitsaanerpaamik aqunneqarnissaat, eqqagassallu toqunartullit akuutissallu mingutsitsisut siaruatsaalinissaat kiisalu suliffissuaqarfiit, suliffeqarfiit atui-sullu kaammattornissaat atueqqusaqqullugit eqqagassaatitillu annikillisaqqullugit. |
Nungusaataanngitsumik atuineq aammalu nioqqutissioriaatsit Kalaallit Nunaanni annertu-nerujartuinnartumik manna sammineqarput. Pineqarput, soorlu eqqakkat illersorneqarsin-naasumik suliarineqartarnissaat, anguniagaavorlu eqqakkat annikillisarneqarnissaat atoqqiineq aqqutigalugu. Eqqakkat annikillisarniarneqarneranni apeqqut immikkut ittoq Kalaallit Nunaanni ippoq, tassa eqqakkat pinngortitamik mingutsitsinngikkaluarlutik sumut eqqarneqarnissaanut
periarfissat annikitsoralaannguugamik. Tamannaana pillugu Naalagaaffiup Sinniisoqarfia suliniutinnguanik tapersiissutissaqarusuttoq. 2023-mi ima sulissuteqarumagatta:
- Pisisarnitsinni atuilluarneq mingutsitsivallaangitsumillu nioqqutissianik salliutitsi-nissaq Naalagaaffiup Sinniisoqarfiani pingaartissavarput.
- Pappiaqqanik, tonerinik aamma allaffimmi atortunik atuineq annikillisassavarput.
- Eqqagassat suunerinik ilisimasaqarnerunissaq sulissutigissavarput
- Ukioq tamaasa pisartumi “Saligaatsoq”-mut ilaasassaagut.
- Puiaasanik utertitassanik ataatsimoorussaqalissaagut.
- Pineqartoq pillugu 2023-miit siunissamut iliuusissatut pilersaarummik suliaqarnis-saq piviusunngortitsinissarlu, Naalagaaffiup Sinniisoqarfiata suliniutaanik ataavar-tumik aaqqiissuteqarnissamik qulakkeerinnittussaq.
|
Nunarsuarmioqatigiit anguniagaat nr. 13 – Sila pillugu suliniutit Anguniarneqartoq tassaavoq ukiut suliffissuaqarfiit sioqqullugit nunarsuarmi agguaqatigiissillugu silap kissassusia gradinik marlunnik qaffatsaaliorneqarnissaa, nunarsuullu immikkoortuni inuup piliaanik sunnertiasuni akiuussuseqarsinnaassutsip silallu pissusaanut naleqqussarsinnaassutsip nukittorsarnissaa. |
Nunarsuup avannaarpiaani nunat issittut allat assigalugit Kalaallit Nunaat silap allanngori-artorneranik sunnigaavoq – pingaartumik silap kianneruleriartornera eqqarsaatigalugu. Taamaammat tamatuma kigaallaamisinnissaanik suliniuteqarnerit Kalaallit Nunaanni soqu-tigineqarluarput.
Naalagaaffiup Sinniisoqarfiani sulisut/atorfillit angalasarnerat annikillisinniarneqarput allanngortillugillu. Naalagaaffiup Sinniisoqarfia 2023-mi imaaliorniarpoq:
- Naalagaaffiup Sinniisoqarfiata suliffeqarfittut biilia biilimik silamik mingutsitsin-ngitsumik taarserneqassaaq
- Qarasaasiat iluaqutsiullugit ataatsimiinnerit amerlanerulersinneratigut, pinngitsoo-ranilu suliffimmut atatillugu angalanissaraluit isumaqatigiissuteqarnikkut/ataatsi-miinnikkut aaqqiivigisarnerisigut timmisartumik angalanissaraluit ikilisarneqas-sammata.
- Qullernik innaallagissamik atuinikinnernik taarsiinerup qulakkeernissaa.
- Nukissiuutinik atuinerup suleqataasunit ilisimaarineqarnerulernissaa pillugu sulif-fimmi paasisitsiniaasoqassaaq.
- Illorsuaq Naalagaaffiup Sinniisoqarfia kiassarneqarneralu misissorneqassapput paa-siniarneqarlutik, immaqalu qanoq iliuusissanik suliaqartoqassaaq ulluinnarni nukissiuutinik atuinerup annikillineqarnissaa pillugu.
- Sila pillugu 2023-miit siunissamut pilersaarusiortoqassaaq, Naalagaaffiup Sinniiso-qarfiata suliniutaasa ataavartumik aaqqiivigineqartarnissaanik isumannaarisumik.