Naalagaaffiup Sinniisoqarfiani pikkorissarneq: Kalaallit Nunaanni pisortat akiligaannik eqqartuussisulersuussisarneq

Assit oqaasertaat: Pisortat akiligaannik eqqartuussisulersuussisarnermik sulianut Naalagaaffiup Sinniisoqarfiani inatsisilerituutut akisussaasoq Lasse Gravholt Jensen, aamma inatsisilerinermi pisortaq Morten Nornild pingasunngornermi pisortat akiligaannik eqqartuussisulersuussisarneq pillugu pikkortissartitsisuupput.

Pingasunngornermi 22. februar 2023 Naalagaaffiup Sinniisoqarfia Kalaallit Nunaanni pisortat akiligaannik eqqartuussisulersuussisarneq pillugu illoqarfitsinni inatsisilerituunut eqqartuussissuserisunullu soqutiginnittunut pikkorsissartitsivoq. Pikkorissarnermi tassani pineqarpoq eqqortumik immersuinissaq, tassa eqqartuussisarnermik inatsimmi aalajangersakkat naapertorlugit pisortat akiligaannik eqqartuussisulersuussisarnermut qinnute-qaatit akuerineqarnissaannut malittarisassat suleriussissallu sammineqarmata.

Aningaasarsiat piumasaqaatillu apeqqutaatillugit Kalaallit Nunaanni Naalagaaffiup Sinniisaa pisortat akiligaannik eqqartuussisulersuussinissamik qinnuteqaatinut akuersisartuuvoq. Akuersissuteqartoqartillugu illit nunami maani innuttaasutut immaqalu saqitsaassutinut suliassanut aningaasartuutissanut tamangajannut tamakkerlugilluunniit aningaasartuuteqartussaanngilatit.

Pisortat akiligaannik eqqartuussisulersuussisarneq sukumiisoq nittartakkatsinni https://kalaallisut.rigsombudsmanden.gl/suliassaqarfiit/ilaqutariit-inatsiseqartitaanerannut-tunngasut/nammineq-aningaasartuutiginagu-eqqartuussisulersuussisarneq/ -mi atuarsinnaavat.