Europa-Parlamentimut qinersineq 2019

Europa-Parlamentimut qinigassat allattorsimaffiannut ilanngunnissamut nalunaarut

Danmarkimi sapaat 26. maj 2019 Europa-Parlamentimut qinersisoqassaaq.

Inuit utaqqiisaagallartumik Kalaallit Nunaanniittut Europa-Parlamentimut qinigassat allattorsimaffiannut ilanngukkumallutik qinnuteqarsinnaapput.

Qinigassat allattorsimaffiannut ilanngunnissamut immersugassaq kiisalu qinnuteqarnissamut piffissarititaasoq il.il. Danmarkimi aningaasaqarnermut nunamilu namminermi pissutsinut ministereqarfiup nittartagaani nassaarineqarsinnaapput, uani:
https://oim.dk/arbejdsomraader/valg-og-folkeafstemninger/

Qinnuteqaat Københavns Kommunemut tunniunneqassaaq. Qinnuteqarnissamut immersugassaq Kalaallit Nunaanni kommunini piniarneqarsinnaavoq, kiisalu taasinernik katersisussatut immikkut piginnaatitaasut kikkuunersut valg.oim.dk-mi takuneqarsinnaapput.