Innuttaasut taasitinneqarneri

Kalaallit Nunaanni innuttaasunik taasisitsinerit ingerlanneqartarput ullormi naalagaaffiup immikkoortuini allanisulli.

Ulloq innuttaasunik taasisitsiffissaq pillugu inatsisissatut siunnersuut imaluunniit inatsit ullormik taasisitsivissamik paasissutissiissut pillugu Naalagaaffiup Kalaallit Nunaanni sinniisoqarfia tamanut ammasumik nalunaaruteqartarpoq.

Kinaluunniit folketingimut qinersinermi taasisinnaatitaasoq innuttaasut taasisinneqarneranni peqataanissamut piginnaatitaavoq. Innuttaasunik taasisitsineq ingerlanneqartarpoq folketingimut qinersinermi malittarisassat malillugit.

Innuttaasunik taasisitsinerni pappiaqqani taasivissani oqaatsit “Innuttaasunik taasisitsineq” aamma oqaatsit uku immikkoortillugit “Aap” aamma “Naagga” danskisut kalaallisullu naqinnilerneqarsimassapput. Qinersisartoq inatsisissatut siunnersuummut imaluunniit inatsimmut isumaqataaguni “Aap” krydsilissavaa, qinersisartorli inatsisissatut siunnersuummut imaluunniit inatsimmut isumaqataanngikkuni “Naagga” krydsilissavaa.

Innuttaasunik taasisitsinerni allakkatigut taasisoqarsinnaavoq folketingimut qinersinermi malittarisassat malillugit.

Taasisitsinermi inernernik kisitsineq nalunaaruteqarnerlu pissapput folketingimut qinersinermi malittarisassat malillugit.

Pissutsit silalu najoqqutaralugit inatsisip malittarisassartaannik malinninnginnissat pisariaqartutut isigisariaqarpata naalagaaffiup sinniisoqarfia taamaaliorsinnaatitaavoq taamaattorli taasisitsinerup isertuussassaanera nakkutigineqarneralu ataatsimut qulakkeerneqassapput.